影片
更多
2022-09-01
1588 瀏覽
香港人最鐘意一盅兩件，尤其是華人社會飲茶文化更加係根深蒂固。我家中嘅長輩都好鍾意去酒樓飲茶一坐就幾粒鐘😂但身為年輕人嘅我哋其實更著重嘅係點心嘅質素。相比起酒樓我更喜歡幫襯的類型嘅點心專門店，覺得佢哋嘅點心更精緻。位於佐敦嘅「點心到」點心種類非常之多，而且有幾款點心係可以點兩件㗎😇岩哂兩小口黎食！📍 原隻蝦燒賣(2粒) 大大隻蝦放係燒賣表面，配埋半肥瘦豬肉，口感味道一流！📍 晶瑩鮮蝦餃(2粒)蝦餃皮薄餡靚，餃皮夠煙韌，蝦肉就爽口彈牙！📍 燒汁釀虎皮椒一客四件，每件都係大大舊，每件都塞滿哂魚肉非常飽滿，煎到外面果層脆脆地好香口。📍粉果經典點心之一 - 晶凝通透嘅粉果皮口感煙韌，入邊包住大量嘅餡料。📍韭黃鮮蝦腸粉腸粉皮非常煙靭，裏面包着大大隻蝦食起黎好滿足！📍卡通流心芋蓉包又睇得又食得，個樣咁可愛真係唔捨得食！搣開個包裡面熱辣辣嘅流心芋蓉就必哂出黎。芋蓉綿滑重奶香，個包鬆軟，而且味道唔會太甜。相比起流沙奶黃包，呢個食落更light！📍炸春卷即叫即炸炸到脆卜卜，怕熱氣嘅都忍唔住要食多兩件！
📍 原隻蝦燒賣(2粒)
大大隻蝦放係燒賣表面，配埋半肥瘦豬肉，口感味道一流！
📍 晶瑩鮮蝦餃(2粒)
蝦餃皮薄餡靚，餃皮夠煙韌，蝦肉就爽口彈牙！
📍 燒汁釀虎皮椒
一客四件，每件都係大大舊，每件都塞滿哂魚肉非常飽滿，煎到外面果層脆脆地好香口。
📍粉果
經典點心之一 - 晶凝通透嘅粉果皮口感煙韌，入邊包住大量嘅餡料。
📍韭黃鮮蝦腸粉
腸粉皮非常煙靭，裏面包着大大隻蝦食起黎好滿足！
📍卡通流心芋蓉包
又睇得又食得，個樣咁可愛真係唔捨得食！搣開個包裡面熱辣辣嘅流心芋蓉就必哂出黎。芋蓉綿滑重奶香，個包鬆軟，而且味道唔會太甜。相比起流沙奶黃包，呢個食落更light！
📍炸春卷
即叫即炸炸到脆卜卜，怕熱氣嘅都忍唔住要食多兩件！
張貼
