影片
更多
2019-12-15
44 瀏覽
男友黎佐敦接放工 , 想近近地搵間西餐食下 , 就試下呢間 !餐牌 :自家製刁草三文魚沙律 ($88)店員推介我地試呢個沙律 , 就試試佢 ! 😏😏用檸檬汁同埋刁草自家醃製刺身級三文魚 !!口感比起一般薄切煙三文魚更加有口感 , 而且非常入味 , 食左一半先記得影相 🤣 推介大家試下 !! 👍意式精選海鮮小暖鍋冬天除咗打邊爐 , 食西餐都有小暖鍋 !!我哋揀咗大蜆同埋小龍蝦配白酒忌廉湯底 , 個火非常之猛 ! 湯底熱辣辣 !! 蜆嘅份量都幾多 , 而且蜆肉非常飽滿 , 龍蝦肉海水味突出 , 肉質彈牙另外個蒜蓉法包都係重點 !! 3 塊大大片 , 而且蒜蓉醬好足料 , 一啲都唔孤寒 強烈推介大家將佢點滿白酒忌廉湯黎食 , 個包索曬 d 湯非常好食 , 而且熱辣辣 !! 😋😋😋😋燒美國頂級肉眼扒配黑松露燒汁大廚精選薯菜 (10 oz) ($268)肉眼扒好大塊 , 好腍 , 多汁 , 有牛味 , 佢哋嘅燒汁係用牛骨熬製 , 配菜亦唔馬虎 加拿大穀飼豚肉扒 ($168)首先要讚下食材本身高質 , 就算我哋要求煎到全熟 , 都唔會嚡口 , 仍然非常軟同有肉汁 自家製心太軟配 movenpick
餐牌 :
自家製刁草三文魚沙律 ($88)店員推介我地試呢個沙律 , 就試試佢 ! 😏😏
用檸檬汁同埋刁草自家醃製刺身級三文魚 !!
口感比起一般薄切煙三文魚更加有口感 , 而且非常入味 , 食左一半先記得影相 🤣 推介大家試下 !! 👍
意式精選海鮮小暖鍋冬天除咗打邊爐 , 食西餐都有小暖鍋 !!
我哋揀咗大蜆同埋小龍蝦配白酒忌廉湯底 , 個火非常之猛 ! 湯底熱辣辣 !!
蜆嘅份量都幾多 , 而且蜆肉非常飽滿 , 龍蝦肉海水味突出 , 肉質彈牙
另外個蒜蓉法包都係重點 !! 3 塊大大片 , 而且蒜蓉醬好足料 , 一啲都唔孤寒
強烈推介大家將佢點滿白酒忌廉湯黎食 , 個包索曬 d 湯非常好食 , 而且熱辣辣 !! 😋😋😋😋
燒美國頂級肉眼扒配黑松露燒汁大廚精選薯菜 (10 oz) ($268)肉眼扒好大塊 , 好腍 , 多汁 , 有牛味 , 佢哋嘅燒汁係用牛骨熬製 , 配菜亦唔馬虎
加拿大穀飼豚肉扒 ($168)首先要讚下食材本身高質 , 就算我哋要求煎到全熟 , 都唔會嚡口 , 仍然非常軟同有肉汁
自家製心太軟配 movenpick 雪糕 ($88)心太軟係自家製 , 唔會太甜 ! 食完甜品好滿足 😁
店舖位處內街 , 雖然唔係食肆集中地 , 但推介大家嚟試下呢間小店 !
菜式睇得出同食得出有花心思 , 而且有質素 , 價錢又合理 , 環境乾淨 , 坐得舒服 👍👍
張貼
