影片
更多
2016-02-09
977 瀏覽
今晚早放工相約住沙田嘅朋友食餐好嘅。新城市呢度有好多間餐廳我地都試過，正正呢一間大家都未食過，睇門面同入面裝潢都唔錯，於是決定一試！到達時6:30，非繁忙晚餐時段，所以唔使等位即可入座。店內裝潢別緻，menu都同樣靚靚，食物選擇不少，有選擇困難症嘅我地真係研究左好耐先落得order🙈什錦魚生沙律 $79首先食個沙律開開胃先。幾款沙律菜-/車厘茄同魚生都好新鮮，簡單配上沙律醋，好醒胃！穴壽司$78相機食先指數好高！由厚切三文魚包裹住細細飯團，面頭有鮮美甜蝦同吞拿魚他他，仲有脹卜卜飽滿嘅三文魚籽同鮮甜海膽，好豐盛！一口滿足曬所有願望！芝士青瓜鰻魚卷 $78鰻魚+芝士真係冇得輸！鰻魚薄切加上燒鰻汁味道剛剛好，軟芝士好香濃，兩者都係味道強烈嘅，中間加左青瓜，可添加一點清新，解一點膩。燒物配以3種海鹽，分別係咖哩、原味及抹茶。咖哩較為濃烈惹味。燒白鱔 $58呢個白鱔燒得唔錯，底同面兩邊都燒得金黃，面微脆，鱔本身夠肥厚，油脂充足，正！羊扒 $68/1羊扒份量十足！好肥厚而且啖啖肉，燒得好靚，表面微焦，入面肉質嫩滑多汁，羊羶味亦足！酢麵豉軟牛脷 $88非常推介呢個軟牛脷，牛脷厚切，煮+燒得非常軟腍，
到達時6:30，非繁忙晚餐時段，所以唔使等位即可入座。店內裝潢別緻，menu都同樣靚靚，食物選擇不少，有選擇困難症嘅我地真係研究左好耐先落得order🙈
什錦魚生沙律 $79
首先食個沙律開開胃先。幾款沙律菜-/車厘茄同魚生都好新鮮，簡單配上沙律醋，好醒胃！穴壽司$78
相機食先指數好高！由厚切三文魚包裹住細細飯團，面頭有鮮美甜蝦同吞拿魚他他，仲有脹卜卜飽滿嘅三文魚籽同鮮甜海膽，好豐盛！一口滿足曬所有願望！芝士青瓜鰻魚卷 $78
鰻魚+芝士真係冇得輸！鰻魚薄切加上燒鰻汁味道剛剛好，軟芝士好香濃，兩者都係味道強烈嘅，中間加左青瓜，可添加一點清新，解一點膩。燒物配以3種海鹽，分別係咖哩、原味及抹茶。咖哩較為濃烈惹味。
燒白鱔 $58
呢個白鱔燒得唔錯，底同面兩邊都燒得金黃，面微脆，鱔本身夠肥厚，油脂充足，正！羊扒 $68/1
羊扒份量十足！好肥厚而且啖啖肉，燒得好靚，表面微焦，入面肉質嫩滑多汁，羊羶味亦足！酢麵豉軟牛脷 $88
非常推介呢個軟牛脷，牛脷厚切，煮+燒得非常軟腍，入面好軟好入味好juicy! 點埋個甜甜酸酸醬，堅好食！蔥呑拿魚薄脆 $58
米通薄脆再加軟綿綿嘅呑拿肉他他，咁衝突嘅口感真係好刺激！桃雪葩 $68
雪葩以半個雪硬左既鮮桃裝住，presentation加曬分。雪葩桃味香醇，好似食緊冰桃咁，清新香甜，為呢餐咁豐富呢晚餐劃上完美句號！呢度真係坐得舒服，環境開揚寬敞，座位之間有足夠距離，私隱度高, 傾計都寫意啲。食物質素相當唔錯，presentation又有誠意，like!
張貼
