富豪客棧 (已結業)

富豪呢個舖位，長做長有.. 平均一年換一手。不過，上回君悅皇一年唔夠就「壯士斷臂」，因為佢 D 野貴得黎又唔好食... 難怪冇人幫襯。

今次到富豪客棧頂手。起初真係唔睇好佢，見佢 D 餐牌唔係好吸引。不過，身為附近既居民，有時懶得去太遠... 始終都會試下。估唔到又有驚喜喎。

第一次食既係芙蓉蛋飯，好香口，但又唔會好油膩，好味的。

之後再食埋佢 D 早餐，份量足，同埋幾好味。

小炒都試過，京都肉排一流，睇得出個廚房部係好有誠意去做。

依家有空就會去幫襯下，真係希望呢個舖位內會有間長駐既餐廳...