影片
更多
2012-10-13
126 瀏覽
假期前夕, 搵食指數突然標升!!!路過太古坊, 突然醒起當年港澳一推出米芝蓮指南, 呢度附近就即刻有間印度餐廳拎到「米芝蓮精選食肆」榮銜, 想試好耐, 但一直醒唔起去試... 擇日不如撞日, 就而家去喇...去到門口, 有d猶疑... 點解... 羅勒呢個名咁陌生嘅呢... 但係位置又一樣, 裝修又一樣, 門口都一樣係放住「米芝蓮精選食肆」嘅牌, 只係由2009年改咗做2012年... 以為自己冇記性, 寫Blog時做資料搜集時發現, 原來之前2009年拎到米芝蓮精選食肆果名叫「皇轎印度餐廳 Palki Indian Cuisine」, 2010年時已經Close咗, 轉咗而家個名!!!餐廳入面都幾企理, 真係出乎意料之外... 因為... 呢個商場都幾噏耷吓...我地6點鬆d去到, 未開冷氣, 好焗... 店主隔咗一陣走埋o黎開冷氣, 個天花機係正我地頭頂, 太太太大風, d o野食凍得過快... 我加件外套都凍到滕滕震...6點半先有客入o黎, 話Book咗位... 到我地食完鬆人, 都再冇人客入過o黎...初o黎步到, 都唔知食咩好, 網上嘅參考又唔多, 多數都係食Lunch嘅C
路過太古坊, 突然醒起當年港澳一推出米芝蓮指南, 呢度附近就即刻有間印度餐廳拎到「米芝蓮精選食肆」榮銜, 想試好耐, 但一直醒唔起去試... 擇日不如撞日, 就而家去喇...
去到門口, 有d猶疑... 點解... 羅勒呢個名咁陌生嘅呢... 但係位置又一樣, 裝修又一樣, 門口都一樣係放住「米芝蓮精選食肆」嘅牌, 只係由2009年改咗做2012年... 以為自己冇記性, 寫Blog時做資料搜集時發現, 原來之前2009年拎到米芝蓮精選食肆果名叫「皇轎印度餐廳 Palki Indian Cuisine」, 2010年時已經Close咗, 轉咗而家個名!!!
餐廳入面都幾企理, 真係出乎意料之外... 因為... 呢個商場都幾噏耷吓...我地6點鬆d去到, 未開冷氣, 好焗... 店主隔咗一陣走埋o黎開冷氣, 個天花機係正我地頭頂, 太太太大風, d o野食凍得過快... 我加件外套都凍到滕滕震...
6點半先有客入o黎, 話Book咗位... 到我地食完鬆人, 都再冇人客入過o黎...
初o黎步到, 都唔知食咩好, 網上嘅參考又唔多, 多數都係食Lunch嘅Comment...
「Happy Meal for 2」有2個Starter, 1個Tandoori, 2個Main Course, 1個Bread, 1個Rice, 2杯Drink, 好似好多o野食咁喎... 唔想用腦, 最後決定Order 2人餐!!!
Chang Beer -- 來自泰國嘅啤酒, 味道偏淡, 好似越南啤酒咁...Mango Lassi -- 酸酸甜甜嘅芒果乳酪, 口感頗稠, 如果可以凍d就好喇...
胡椒薄脆 -- 以前食過嘅印度菜, 都係一坐低未點菜就已經會有胡椒薄脆食, 仲係捲成一個雪糕桶嘅形狀, 仲會配埋香草醬伴食... 呢度... 落埋單上晒前菜先拎胡椒薄脆o黎, 仲要係一片平平咁, 一d誠意都冇, 呢d就係米芝蓮嘅標準?!!
咖哩角
-- 熱到辣嘴, 咖哩味香濃, 薯仔餡好好味, 仲一d都唔油, 全餐最好味!!!
薯仔沙律
-- 有1種好特別嘅香味, 味道都幾好~
印度炭燒鐵板香燒雞 -- 嘩!!! 得2件?!! 香草味不太濃烈, 適可而止, 雞脾肉OK嫩但另1舊就有D乾... 唔知係咪因為少食多滋味嘅關係, 我覺得佢都幾好味, 起碼想再食多幾件, 味道應該因應香港人口味而調節過... 記得N年前係新加坡小印度食過, 勁誇張嘅香料味, 勁到我食咗一件已經頂唔順...
咖哩羊 -- 咖哩汁好香, 但好稀, 有點可惜... 羊肉都OK...
咖哩什菜
-- d什菜... 根本就係我最最最憎嘅雪藏什豆!!! 咖哩汁味道一般... 失望...
印度炒飯
-- 用印度米炒, d飯粒係長幼身, 冇咩味, 冇咩餡, 炒得幾乾身...
蒜蓉烤餅
-- 鬆鬆軟軟, 不錯, 如果蒜蓉重d會更好...
個冷氣實在太大風, 呢4樣o野未食已經凍晒, 扣分!!!
全程只有店主及店員妹妹為客人服務, 妹妹只有上菜同埋單時出現過片刻, 未有開過聲講過任何o野, 而店主就永遠都企係100公尺以外... 感覺有d怪怪地... 唔通我地有箘?!!
初時見個2人餐有咁多o野食, 仲擔心會食唔晒, 已經計劃好打包個炒飯走, 點知食物份量出奇地細, 結果食晒所有食物都唔係好覺飽...
想食印度菜, 行遠少少去筲箕灣, 恆河同皇子呢2間印度菜好食兼抵食得多~
張貼
