一盛極牛 (已結業)

尖沙咀真食好西地方,係咁易都搵到好食餐廳。前兩日同朋友出到黎想食好少少而又快脆解決;因為想爭取時間行街。咁就揀左呢間<一盛極牛>。全店都係食牛牛, 仲講明係和牛。拉麵有白牛拉麵同極牛拉麵, 店員很有耐心解釋同推介點樣配先最好味。兩款拉麵同牛牛係一樣,分別係湯底唔同…極牛係牛骨湯,白牛係加左白松露嘅牛骨湯。我地一人試一款; 牛牛我地都係揀左火灸同刺身各半。拉麵終於到啦….賣相很靚仔。即時試左一淡湯底, 濃郁牛牛味又唔膩。再試朋友嘅白牛湯底….嘩!!!!!松露香味配濃牛湯底,不得之了……火灸牛牛很有油香,牛味濃而且嫩; 反而刺身牛相對沒有特別驚喜, 雖然都是很好吃。值得一提流心蛋; 調味及烹調時間配合得非常好先會咁好味口感一流; 誠意之作。<一盛極牛>真心誠意推介