影片
更多
2016-05-26
1050 瀏覽
近排好hit的一間串燒店，一直未有時間去試，咁岩呢日係銅鑼灣放工，機會來了！入到去，座位不算太多，好彩早左黎，坐到最後一張二人枱。望望點菜紙，款式未算太多，没關係，反正好食就得啦。芝麻雞翼雞翼外皮燒得好脆，外面加D芝麻，入口非常惹味。而且不會燒到乾爭爭，連雞翼尖都好夠香脆。香草羊架細心之作。平時要成隻揸住咬，通常都食得唔太乾淨。呢到起哂肉切到細細舊，實在太方便了！羊架連香草一齊燒，一上台已經香氣四溢，入口唔會羶，讚。8寸蒜茸大虎蝦好大隻，絕無偷工減料，而且鋪滿蒜茸，見到都流口水。拆咗殼食啖啖肉，而且個肉質好新鮮，出街食最怕食啲蝦係霉嘅，呢度嘅絕對唔會。汁燒帆立貝一串有三粒，雖然唔係話好大粒，但配埋佢嘅燒汁好夾呀。而且佢嘅外面燒到脆脆的，入面就仲係軟林林，真正嘅外脆內軟。煙肉蠔卷金菇肥牛就成日食，但係煙肉蠔卷真係第一次見，蠔仔細細粒但可以成粒擺入口，口感又幾得意喎。川式茄子去串燒店茄子係我必要嘅食物，呢條茄子雖然唔係好大條，但係上面鋪滿孜然粉同埋蒜蓉，再加左少少辣粉變得非常惹味。冰燒菠蘿食完咁多咸野最後黎個甜野作結先。菠蘿上枱熱辣辣出晒煙，而且甜度爆，我哋一人四件都好快就食晒啦。見到其他
入到去，座位不算太多，好彩早左黎，坐到最後一張二人枱。望望點菜紙，款式未算太多，没關係，反正好食就得啦。
芝麻雞翼雞翼外皮燒得好脆，外面加D芝麻，入口非常惹味。而且不會燒到乾爭爭，連雞翼尖都好夠香脆。
香草羊架細心之作。平時要成隻揸住咬，通常都食得唔太乾淨。呢到起哂肉切到細細舊，實在太方便了！羊架連香草一齊燒，一上台已經香氣四溢，入口唔會羶，讚。
8寸蒜茸大虎蝦好大隻，絕無偷工減料，而且鋪滿蒜茸，見到都流口水。拆咗殼食啖啖肉，而且個肉質好新鮮，出街食最怕食啲蝦係霉嘅，呢度嘅絕對唔會。
汁燒帆立貝一串有三粒，雖然唔係話好大粒，但配埋佢嘅燒汁好夾呀。而且佢嘅外面燒到脆脆的，入面就仲係軟林林，真正嘅外脆內軟。
煙肉蠔卷金菇肥牛就成日食，但係煙肉蠔卷真係第一次見，蠔仔細細粒但可以成粒擺入口，口感又幾得意喎。
川式茄子去串燒店茄子係我必要嘅食物，呢條茄子雖然唔係好大條，但係上面鋪滿孜然粉同埋蒜蓉，再加左少少辣粉變得非常惹味。
冰燒菠蘿食完咁多咸野最後黎個甜野作結先。菠蘿上枱熱辣辣出晒煙，而且甜度爆，我哋一人四件都好快就食晒啦。
見到其他食評話嗰個蟹肉芝士蛋好好食，不過問咗話呢排啲蟹唔靚所以冇整啦！下次有機會一定要再嚟試吓先！
張貼
