Courage Eighteen (已結業)

呢間餐廳唔算開咗好耐，而且位置都幾隱蔽，喺好時中心裏面嘅轉角位，正門對出仲係一個垃圾房，本身都好猶豫應唔應該試，但係新餐廳點都要一試 龍與鳳！今日試咗佢嘅午餐推介，大蝦冬陰公扁意粉。大蝦非常入味，蝦肉爽口彈牙，而且仲好大隻，絕無欺場。扁意粉煮得啱啱好，唔會過林，稱得上 al dente ！佢嘅冬陰公味都處理得非常好，酸中帶辣，仲有少少甜，佢嘅甜只係調一調味，令到酸辣更加突出，你唔會食到好突兀嘅甜味。杯咖啡都非常唔錯，我叫咗普通嘅 latte, 咖啡豆偏 strong, 苦味突出，但同時都嗅到果香，配左奶又好易入口。唔錯唔錯，絕對會再食！