常嚐食•深燒堂 (已結業)

今日OT完收工冇咩胃口，約咗朋友盡訴心中情，所以揀咗呢間食串燒嘅慢慢傾。雞肉羊肉雞腎就少不免㗎啦，佢呢度落單嘅時候可以比自己填番每串串燒想要幾辣。逐串逐串跟足你口味，唔使話要走就來就去。喺呢度嘅雞肉串都真係幾好，出邊夠乾身，但係咬開之後啲肉好嫩好多汁。個雞腎都係燒到岩岩好，夠晒爽彈又唔老。另外個多春魚都好抵讚，夠乾身得嚟又香，但又唔會話乾到冇晒水份。金菇肥牛卷就食得多啦，芫荽肥牛卷我都係第一次見，對於我個芫荽控🐢🍯嚟講簡單係大驚喜。佢啲芫荽都包得好實，又唔會乾爭爭，好好味咁話喎。另外我哋叫咗兩隻燒全翼，啲調味都落得好足，香草孜然唔一樣缺少，啲雞翼都仲好滑，係唔錯嘅。另外我哋叫做燒翠玉瓜，啲翠玉瓜爽口得嚟又多汁，真係樣樣都燒到岩岩好。最驚喜嘅係燒韭菜，其實我麻麻哋食燒韭菜，因為出邊好多時都會燒到又乾又韌，好似咬橡筋咁，呢度都係拿捏得好好，保持到水份。最後當然唔少得我最愛嘅燒菠蘿做甜品，佢啲菠蘿酸酸甜甜，岩岩好，做甜品一流。