影片
更多
2022-07-23
81 瀏覽
介紹返💁🏻♀️。。🇯🇵 Cafe 在將軍澳 🇯🇵。Ocio。東港城2樓238號舖。奧斯午餐時段 Lunch Set香煎石斑柳伴薯蓉香草忌廉汁Seared Grouper Fillet with Mashed Potato。HKD85 + 10%奧斯經典全日早餐 Ocio Classic All Day Breakfast Waffle。Scrambled Egg。Tomato。Chicken Fillet。Cheese。Sausage。Parma Ham。Baked Beans。Fries。Salad。HKD98 + 10%🤫 好..今日開宗明義..想要談論吓我近呢一排食過嘅一間唔係咁啱口味嘅餐廳🤫 先嚟講下個Background先..話說Weekend想同媽媽撐枱腳..同佢去食佢最鍾意食嘅All Day Breakfast..但係樓下間Beans長期排長龍所以又再一次為咗快啲入座而幫襯Ocio..不過今次之後真係冇乜機會再有下次啦🤫 老實講All Day Breakfast其實看似簡單..都好需要廚師用心去煮每一個項目先至可以做到一個令人滿意嘅Big Brekkie..但係好可惜..
。
。
🇯🇵 Cafe 在將軍澳 🇯🇵
。Ocio
。東港城2樓238號舖
。
奧斯午餐時段 Lunch Set
香煎石斑柳伴薯蓉香草忌廉汁
Seared Grouper Fillet with Mashed Potato
。HKD85 + 10%
奧斯經典全日早餐 Ocio Classic All Day Breakfast
Waffle。Scrambled Egg。Tomato。Chicken Fillet。Cheese。Sausage。Parma Ham。Baked Beans。Fries。Salad
。HKD98 + 10%
🤫 好..今日開宗明義..想要談論吓我近呢一排食過嘅一間唔係咁啱口味嘅餐廳
🤫 先嚟講下個Background先..話說Weekend想同媽媽撐枱腳..同佢去食佢最鍾意食嘅All Day Breakfast..但係樓下間Beans長期排長龍所以又再一次為咗快啲入座而幫襯Ocio..不過今次之後真係冇乜機會再有下次啦
🤫 老實講All Day Breakfast其實看似簡單..都好需要廚師用心去煮每一個項目先至可以做到一個令人滿意嘅Big Brekkie..但係好可惜..佢呢度嘅Scrambled Egg媲美麥當勞嗰啲早餐炒蛋..實的的而且完全冇味道..然後腸仔同蕃茄睇張相都見到係煎燶咗嘅..Waffle都唔例外..燶咗之餘硬轟轟同埋只係室溫一啲都唔熱..唯一係塊雞扒煎得正常不過都幾油冧冧..可憐我媽媽要起晒腸仔同蕃茄啲燶咗嘅部份..每樣嘢剩返少少咁樣食..然後佢最鍾意食嘅Waffle都只係食咗兩啖就唔想食啦
🤫 至於我叫嘅石斑柳伴薯蓉..表面睇條魚好似好靚仔..但係其實一拮開就散晒..應該係雪藏得好緊要嘅魚..而且又係完全冇味道..但係平心而論佢哋嘅薯蓉配忌廉汁就幾好味嘅
🤫 至於跟餐嘅菜湯..係好多雜菜料嘅..但係對我嚟講就偏酸..呢個可能係個人口味嘅問題
🤫 Ocio好似係有幾間分店..唔知係咪淨係將軍澳呢間嘢食出品比較求其..定係話我真係咁黑仔..試咗幾次都係覺得唔係幾對路..先至好忍心咁樣出呢類型嘅Post ..希望餐廳睇到呢篇文可以跟進一下..又或者喺餐廳度問吓其他食客嘅意見
🤫 老實講..我又唔係啲乜嘢金舌頭又有咩資格去負評人哋呢..我只係想誠實地帶出自己嘅體驗同埋觀感..所以以上完全係個人嘅口味同埋感受..學我表妹話齋..就算係麥當勞炒蛋加咗鹽同埋胡椒粉都可以好好味..而且俗語都話鹹魚青菜各有所愛..希望以上呢一篇Post唔會帶嚟大家嘅反感
。。
翻兜指數：🤭（5個🙆🏻♀️為翻兜爆燈）
💮已翻兜次數：5次💮
張貼