影片
更多
2020-10-28
434 瀏覽
放工約女朋友食飯，簡左朋友極推嘅餐廳。雖然間餐廳係東涌好遠，但由於朋友強力推薦，所以幾遠都要去一試！一坐低我地就叫兩杯野飲先，一杯係大路嘅pine colada，另一杯就係bartender推薦既signature drinks-兩杯野飲都feel到bartender份量配合上十分用心，鹹檸味唔會蓋過橙西柚味。pine colada嘅vodka 味唔會太出，同椰子菠蘿夾得啱啱好。頭盤我哋有海鮮拼盤，有生蠔兩，翡翠螺，青口，蝦，呢幾款海鮮鮮味都好夠，我特別欣賞嘅係翡翠螺，大大粒又唔會overcook太難咬。另一個頭盤係鵝肝多士配無花果，同埋水牛城雞翼，要讚嘅係鵝肝煎得啱啱好，唔會煎到乾晒。跟住再叫左碗羅宋湯，湯到左waitress會問你加唔加pepper，加左少少pepper令碗湯多左d層次，有蔬菜本身甜果味加上少少辣，暖胃一流。食曬頭盤餐湯，就到主菜啦！首先係海鮮西班牙飯，佢有別於一般西班牙飯，無落一般會落嘅藏紅花，所以唔會好似平西班牙飯紅紅橙橙嘅。但少左藏紅花並無影響到佢嘅分數，因為廚師成功將海鮮嘅鮮味帶到落飯裏，飯熟度亦岩岩，無太生亦無大熟。另外一個主菜就係伊比利亞豬扒，肉質非常豐
一坐低我地就叫兩杯野飲先，一杯係大路嘅pine colada，另一杯就係bartender推薦既signature drinks-
兩杯野飲都feel到bartender份量配合上十分用心，鹹檸味唔會蓋過橙西柚味。pine colada嘅vodka 味唔會太出，同椰子菠蘿夾得啱啱好。
頭盤我哋有海鮮拼盤，有生蠔兩，翡翠螺，青口，蝦，呢幾款海鮮鮮味都好夠，我特別欣賞嘅係翡翠螺，大大粒又唔會overcook太難咬。
另一個頭盤係鵝肝多士配無花果，同埋水牛城雞翼，要讚嘅係鵝肝煎得啱啱好，唔會煎到乾晒。
跟住再叫左碗羅宋湯，湯到左waitress會問你加唔加pepper，加左少少pepper令碗湯多左d層次，有蔬菜本身甜果味加上少少辣，暖胃一流。
食曬頭盤餐湯，就到主菜啦！
首先係海鮮西班牙飯，佢有別於一般西班牙飯，無落一般會落嘅藏紅花，所以唔會好似平西班牙飯紅紅橙橙嘅。但少左藏紅花並無影響到佢嘅分數，因為廚師成功將海鮮嘅鮮味帶到落飯裏，飯熟度亦岩岩，無太生亦無大熟。
另外一個主菜就係伊比利亞豬扒，肉質非常豐富，一啲都唔韌。肉汁非常多，熟嘅程度啱啱好。個醬汁都要一讚，唔會重口味，係淡淡調和嘅味道。仲有薯蓉同埋焗薯，兩者都比坊間嘅煮得出色，值得一試。
最後甜品係手作藍莓芝士蛋糕，藍莓醬係自家製，藍莓味重但又唔會太甜，中意食手作甜品嘅一定會中意。
總結：餐廳每個菜都花過唔少心思，無論係廚師到waitress介紹菜式都感覺到佢地對食物的熱情和尊業。推薦俾大家嘅必食餐廳。
張貼
