S2 鐵板燒 (已結業)

柯士甸站附近的S2鐵板燒，門口掛有人咁高的巨型紅燈籠，非常搶眼。店內空間不大，但坐滿了客人，氣氛熱鬧。每位奉送青檸花旗蔘茶，甘甘地幾特別。前菜是煙鴨胸沙律盛合杯和三點刺身。沙律菜冰涼爽脆，甜蝦勁大隻！慢煮法國鵝肝時令水果哈密瓜非常香甜，而鵝肝就煎至外脆內軟，油香滿溢，正！旁邊紫色的以為是藍莓，一咬才知道是爆珠，十分有趣！時令貝類勁大隻帶子，調味有點像中式的芡汁。北海道原隻粒貝貝肉彈牙可口，蟹籽增加了口感。北海道原隻毛蟹兩食蟹蓋加入蛋白蒸熟，蟹腳勁多刺，我技術唔好，一路剪一路拮親手。紐西蘭羊架配香煎脆雞扒羊煎至八成熟，但都唔會靱，羊羶羶地先正，雞扒勁多濃郁嘅汁。A5和牛薄燒中間包著蔥和炸蒜片，下面墊著方包。S2特色黃金炒飯一人份量，多到可以分兩碗。燒野菜清淡的野菜突顯了烘芝麻的香味。野菜炒拉麵醬油和麻油的味道十分濃厚，麵身彈牙。焗雜菌菌類清淡，正好用來解膩。S2鐵板紙包蜆湯店員會先為我們剪開紙包。清湯中帶一點點的甜，海帶亦可口。甜品雪糕泡芙，內裡的雪糕非常軟滑可口，甜入心。