影片
更多
2007-11-18
12 瀏覽
星期一晚同澱粉王男友到甚少去的MK，辦完點事，八點幾佢0益肚餓，唔知佢係咪餓到儍咗，在無篩選的情況下，便進了頗近街口位的意房菜，以佢麻煩的食嘢習慣，平時絕對唔會，呢次咁衝動，結果”賴”嘢。一入到去，覺得setting好迫，我們的桌是和鄰桌只隔幾cm，仲要衰到張枱喺長短腳狂郁嘅，咁我咪叫一個着西裝貌似manager嘅整整張枱，點知佢唔想整，話張枱長短腳所以咪郁囉(超廢話!!! >_<)，仲叫我地唔好「拑」張枱，男友聽罷火都黎埋，即刻發炮，以極兇眼神同語氣同個manager講:「你喺唔喺叫我地唔好掂住張枱黎食飯? 咁你食我睇la，你整唔整?!!唔整咁我地走囉。」Manager即刻做嘢，原來呢個世界始終要惡……我地叫咗2個$59嘅set dinner，澱粉王叫了酥皮牛柳鵝肝，已是半茹素的我，唯一食肉的時候就喺同男友食飯，我食肉只揀白肉，所以點了什麼西西里雞扒配蝦沙律，兩個set都配有意粉。但喺個waiter就勁sell我食個什麼黑豚肉，好似唔叫就唔走得咁，勁煩。男友個牛柳鵝肝同meun幅相相差好遠，澱粉王男友都幾不滿，幅相喺酥皮卷住牛柳，最入面喺鵝肝，好靚架，結果，黎個碟就喺
一入到去，覺得setting好迫，我們的桌是和鄰桌只隔幾cm，仲要衰到張枱喺長短腳狂郁嘅，咁我咪叫一個着西裝貌似manager嘅整整張枱，點知佢唔想整，話張枱長短腳所以咪郁囉(超廢話!!! >_<)，仲叫我地唔好「拑」張枱，男友聽罷火都黎埋，即刻發炮，以極兇眼神同語氣同個manager講:「你喺唔喺叫我地唔好掂住張枱黎食飯? 咁你食我睇la，你整唔整?!!唔整咁我地走囉。」
Manager即刻做嘢，原來呢個世界始終要惡……
我地叫咗2個$59嘅set dinner，澱粉王叫了酥皮牛柳鵝肝，已是半茹素的我，唯一食肉的時候就喺同男友食飯，我食肉只揀白肉，所以點了什麼西西里雞扒配蝦沙律，兩個set都配有意粉。但喺個waiter就勁sell我食個什麼黑豚肉，好似唔叫就唔走得咁，勁煩。
男友個牛柳鵝肝同meun幅相相差好遠，澱粉王男友都幾不滿，幅相喺酥皮卷住牛柳，最入面喺鵝肝，好靚架，結果，黎個碟就喺個酥皮整到好似個燶咗嘅印度薄餅，求其「劈」起個牛柳面，賣相十分唔討好，佢話個牛柳味道都ok，都算「林」，但個鵝肝就細到差D見唔到，而且唔甘香。一向有衣食嘅澱粉王依舊掃連意粉成碟清哂，但因為個古怪酥皮，連大食嘅佢都話好滯。
我個雞扒真喺同茶餐廳食到嘅無分別，沙律喺什果沙律上放塊急凍蝦……
我地兩碟配嘅意粉都好似茶餐廳意粉，喺撈咗D無味茄汁，紅卜卜個種……我同男友都唔喺咁like呢種。
唯一較好食嘅喺個creamy soup同appetizer嘅帶子，因為味道最正常(嚴格來說喺「普通」)，相對咪叫好味囉。
仲有，呢到幾得意，懶喺西餐格局，但有台式飲品，澱粉王男友叫珍珠奶茶，佢話唔夠甜，我呷咗一啖，其實味道ok，都幾有茶味。相反我個熱蜜桃紅茶叫走甜(其實我預咗走甜因有蜜桃關係，都會帶甜)，點知都超甜，但又帶浸怪苦味，我飲咗兩啖就放低，又喺澱粉王搞掂埋，男友話杯英嘅苦味應該似煲燶茶底，但就無問題嘅。
今餐$130埋單一D都唔貴，雖然飽，但唔好食，男友話總之揸車返屋企附近食好過，仲影响埋佢對MK食肆嘅形象。
張貼