香蕉仔 (已結業)

真係遠近馳名既元朗最好食泰式香蕉煎餅，今次特登係開鋪前十分鐘黎到，佢地4點開門，我張拎野食飛排到4:50，前面已經有十幾組客啦😹😹出名到好誇張！排隊落單食咩，店員會俾張有號碼有時間既飛仔你，基本上每張飛隔5分鐘，夠鐘準時返去拎，同朋友邊等邊行陣街吹下水～星期六日既話基本上都要預等一個鐘。不過，店員有個勁貼心既安排，客人可以揀幾點返去拎架，例如你5點order然後講定7點先拎都冇問題，只要準時返到，你份煎餅一定係熱辣辣～我地叫左最熱門既榛子醬香蕉煎餅，條邊煎得好脆，入面d溶左既香蕉勁好食，煎餅唔油，加左榛子醬真係好完美，兩個女仔share一份啱啱好。同埋店員真係好有禮貌，落單前會主動講依家要等幾耐，我地食完講拜拜仲要話辛苦我地等咁耐，生意興隆係有原因架👍🏻👍🏻👍🏻提一提店舖係冇位坐既，當練下腳骨力啦😹