麥當勞 (赤柱廣場)

今日同朋友入咗赤柱，但係我突然心血來潮好想食麥當勞，朋友就同我一齊食喇。入到去啲冷氣好凍呀，但係環境都幾好，有好多獨立嘅位，仲有長枱可以比一大班朋友一齊坐。今次叫咗個將軍漢堡飲熱朱古力。個將軍漢堡食落好重肉味既感覺，我個人就唔太鐘意。而杯朱古力奶就有好香濃既朱古力味，同埋係滑既。不過有啲朱古力粉就停咗係個底度，飲到落底嘅時候先發現，之後先再撈返嚟飲個味就太濃喇。