Freshness Burger (已結業)

之前聽人講freshness burger好食，再加上睇周刊見有個豆腐漢堡，諗住一心試下。見佢二三十蚊個包，餐要再加廿四蚊，夾埋要五十幾蚊，加大要再加十蚊！都幾貴，不過如果好似Triple O's咁，飽到嘔都可以接受，不過事實只係一般size。至於質素，可能希望越大失望越大。首先，由俾錢至送食物來，超過十五分鐘，個薯皮仲要再五分鐘才到，跟住個包.........竟然係涷o既！老麥都唔會出涷包啦！仲要等咁耐！至於塊豆腐，好白，唔似煎過，雖然加埋d照燒汁幾好味，但係作為個漢堡o既靈魂就太唔顯眼，連d牛油果都有口感過佢，如果改用硬豆腐效果會好好多。之後個薯皮反而ok，起碼夠熱。呢間野試過一次就算，下次都係去返mos穩陣d。