麥當勞 (禮頓中心)

營業中

休息中

今日去咗麥當勞試自選漢堡，其實想試好耐，一直都唔得閒，等到今日先有得去。麵飽揀咗法式甜飽，牛肉係安格斯牛肉，醬要Big Mac醬，加埋酸瓜，蘑菇，烤蘆筍，燒甜薯，最緊要加埋香濃車打芝士同燒菠蘿，都好豐富，等咗十分鐘，終於有得食，有專人送到，好心急，即刻要咬一啖，試吓先，個甜飽幾鬆軟，牛肉都幾香熱熱地，但係其他配料就好似唔夠熱，少少暖暖地，無乜香味，而且成個飽好似好淡，唔覺得特別好食，其實單睇個樣都幾吸引，但味道真係一般，試過就夠，可能對佢有太大期望，所以有D失望，原來食麥當勞都係食返佢地D傳統飽會覺得好味D，用依個價錢去食一個自選飽，其實有好多仲好嘅選擇。