李公館

營業中

休息中

中秋節做節，有人極力推介，地方不太大，裝修走Fusion路線，當晚有三份二入座率：頭盤係茄子， 切到大大件，稍稍炸過，茄子鮮甜，重點係個汁，酸酸甜甜又有少少辣， 做前菜一流海明珠，即係蛋白底，上層是波菜蓉，再加幾件帶子，好清，OK啦層層疊藕餅，食唔到有蓮藕，只食到有豬肉和魚肉，真係唔似藕餅冰鎮咕嚕肉，收$188，有大慨十粒，成$20一粒，gimmick喳，咪又係咕嚕肉，唔值囉炸子雞半隻，仲細過碟例牌，不過又幾好味喎紅燒斑尾翘，味道太咸，但都隱約食到少少腥味，支竹炆得唔夠透，得啲蔥最好食籠仔糯米蒸蟹飯，全晚最失敗的，啲飯太硬太油唔入味，隻蟹太細隻，根本唔足夠蒸咁大籠飯，失敗仲有一碟唔記得名嘅菜，個名係改得好優雅的，其實係幾棵小棠菜、西蘭花和3條菜心既組合，收$118可能期望越大失望越大，價錢貴，食物一般，試過便算，不值再來。