世界第2好味雪糕蜜瓜麵包 (已結業)

N年前看過杜如風的節目後，便對一種像菠蘿包的雪糕蜜瓜包留下印象，後來在日本鎌倉旅行時，便在這間「世界で 2 番めにおいしい焼きたてメロンパンアイス」（世界第二好味雪糕蜜瓜麵包）的分店嚐過朱古力味的，感覺唔錯。日前經過銅鑼灣，便去其香港店食吓。熱潮已過，基本上已不用排隊。香港店的雪糕有雲呢拿、朱古力及綠茶三種口味選擇。點了個抹茶味的，熱包配雪糕的冰火快感唔錯，包夠晒脆身，但稍嫌雪糕的綠茶味唔多夠也。值得一提的是包中加了一塊多士，可能是用來點雪糕吃吧。$38唔算話抵食，只屬試過便算之選。至於包同蜜瓜真係無甚關係，個樣亦唔多似，大概道理同我們的菠蘿包冇菠蘿一樣吧。