影片
更多
2008-06-17
5 瀏覽
同第一位食評者一樣，都係因為父親節，及報紙廣告sell 得太完美的關係，於是就在報章報導後的翌日就去比按金book定個套餐D先！因為睇落去好似真係好多野，$588四人份，合理丫！再散叫幾樣應該夠食啦！****************************點知，成餐星期日的父親節dinner真係劣評如潮如下：1. credit card機仲係未有，要比cash，已經好唔方便．2. 入座時比book位飛仔個receptionist，佢好似發緊夢咁，明白，太多人等，係會亂ｄ，不過應該未至於好似方寸大亂咁囉！話哂都叫開左4日．3. 一坐低，立即order左個＜套餐D＞先，再慢慢叫其他野，竟然同完個captain order完，會再有兩個侍應埋黎問咩事，乜佢地唔係電腦落單咩？仲要confirm？4. 個main set 要15分鐘先到，其實呢ｄset，唔係廚房已經擺定哂呢咩？5. 隨餐附送既拉麵及刺身，催在成粒鐘至有，真係催左至少六個唔同伙計啊～6. 調味料又係要催成45分鐘先有．開頭我地真係以為冇架，點知見隔離檯有，先至原來係冇比我地！7. 額外比錢order果ｄ就超快上菜，好奇怪！8. 明
同第一位食評者一樣，都係因為父親節，及報紙廣告sell 得太完美的關係，
於是就在報章報導後的翌日就去比按金book定個套餐D先！
因為睇落去好似真係好多野，$588四人份，合理丫！
再散叫幾樣應該夠食啦！
****************************
點知，成餐星期日的父親節dinner真係劣評如潮如下：
1. credit card機仲係未有，要比cash，已經好唔方便．
2. 入座時比book位飛仔個receptionist，佢好似發緊夢咁，明白，太多人等，係會亂ｄ，不過應該未至於好似方寸大亂咁囉！話哂都叫開左4日．
3. 一坐低，立即order左個＜套餐D＞先，再慢慢叫其他野，竟然同完個captain order完，會再有兩個侍應埋黎問咩事，乜佢地唔係電腦落單咩？仲要confirm？
4. 個main set 要15分鐘先到，其實呢ｄset，唔係廚房已經擺定哂呢咩？
5. 隨餐附送既拉麵及刺身，催在成粒鐘至有，真係催左至少六個唔同伙計啊～
6. 調味料又係要催成45分鐘先有．開頭我地真係以為冇架，點知見隔離檯有，先至原來係冇比我地！
7. 額外比錢order果ｄ就超快上菜，好奇怪！
8. 明白父親節多人，個個做到lum哂，不過著得黑衫係captain身份的大哥，幾唔想都要笑下對客人囉！我地比錢你賺，仲要你黑面落單，真係食得唔值囉！
9. 冇人沖茶，總之好似叫天不應叫地不聞咁！
************************************
值得讚下既，係：
1. 個甜品都幾好味．
2. ｄ宮崎牛及牛利真係幾鮮味．
3. 個爐燒出黎既食品唔易燶，ｄ油煙都唔算多．
4. 有個captain都知大家好多怨言，埋單時都主動問問食客意見，不過可惜大家已經好嬲，覺得比個廣告欺騙左，同埋冇service可言，話到明唔會再黎幫襯，都幾hurt！
========================
冇喇！之後同左右隔離兩檯ｄ客都有傾有講，因為大家都係keep住在呆等食物，及點order極都好似食唔飽咁．大家仲話相約出去食魚蛋粉填填肚好過！
就係咁，五個大人，冇叫酒水，都食左$990，
係一個$588套餐，散叫左兩客壽司，一客牛柳粒，一客美國霜降牛，一客茄子，一客冬菇，一客翠玉瓜；
試過一次，夠哂！！
.
.
張貼