其實赤丸都唔算咩新鮮野，但價錢都尚算公道既。見到佢有個滑蛋湯底真係當堂嚇一跳，有理無理就試下佢虛實先啦一於！
註：滑蛋吉列豬排湯烏冬，$52。 首先唔多鐘意豬排放係湯上面，一定會浸到淋哂
但個湯底都算搞笑，真係有一大片滑蛋加冬菇係底，味道偏咸但係冬菇咪好濃。我個人鐘意冬菇，所以整體都滿意既。
註：蕃茄牛肉湯烏冬，$48。同場加映，女朋友仔好怕羅宋湯既洋蔥味，偏偏而個蕃茄湯既蕃茄味極微，算得上fail。除非你想飲羅宋湯，否則對蕃茄味有要求就可能唔多啱你喇。
小總結：價錢尚可接受，烏冬質感亦都唔錯。但基於豬排放係湯同蕃茄湯底既fail，一定唔係最滿意既一餐
