逸東小館

營業中

休息中

今日到大埔墟，見呢間舖試業期間follow 社交平台 半價，於是嚟排隊試試。本來想食南乳雞翼但沽清，最後揀咗飯餐，十分失望。韭黃芽菜炒鱔糊+鮑汁豆腐(2件)+熱情果玄米綠茶(凍) 原價$72，半價$36。食物上枱時只係微暖，明顯熱度不足，無哂菜飯，只能跟白飯，但用外賣盒裝白飯同配菜，食物仲要唔熱，已扣分。炒鱔糊有啲咸，似係用蠔油炒，鱔肉有14小條。鮑汁豆腐好普通，唔太啱心水不評價。全部食哂都唔夠飽，又唔特別好食，好彩半價36蚊，原價真係完全唔食佢。成個餐只有熱情果玄米綠茶幾好味，清清哋唔太甜，但無乜玄米味。埋單36蚊，整體嚟講味道好普通，食物無乜特別唔吸引，試業期間人手不足，如果客人走數真係無人留意到。