五代同糖 (已結業)

Item: 五代同糖
Rating: 0
Author: mandypoon73

3.5

191 食評

味道

環境

服務

衛生

抵食

1671

銅鑼灣

$50以下

港式甜品/糖水

112

mandypoon73

(非會員)

今晚過左灣仔道貴德宮食私房素宴, 朋友 A 話 CWB E house 有間甜品屋啱啱新開張，不如行過去試新野囉, 因為其他果 d 都係普通貨式, 或者會有 suprise 呢! 去到門口, 個招牌已經吸引住我, because that is my favorate colour " PURPLE" and 自家制甜品專門店,嘩! 好似好 Pro 咁, 好驚又係搵苯7 果 d , 可能啱啱新開張，舖面仲係好清簡, 未有 posters or pictures on the glass, 入到去見到大約有十零張枱, 有一枱十幾人圍埋一埋, 另外都有其他三五知己, 應該有八成 full, 前面係一塊大玻璃, 隔開 open kitchen, 睇得好清楚厨房搞緊乜,仲望到部 Diamxxx 能量水機, 唔野小喎, 坐低之後即刻有 waiter serve , 仲介紹我地有咩好食, 佢話呢度全部係用頂級材料制作, 兼且係自家制造, 並唔係交返黎既貨式, 所以一定新鮮好味喎, 睇黎呢間野有 train- up 過 d waiters 喎, 因為個個都係 18 , 22 果 d , 好難得見到時下既年青人做野有 heart 有 service, 唔錯! 加分! 睇下個 menu, 咦! 價錢都幾高級下喎, 咁真係要試真 d 喇. 我地 4 個人叫左六樣野(正一大食積), 楊枝甘露味雪花冰加粟米片加芒果醬 $ 35, 呢個店長推介: 北海道牛乳奶凍 $ 25, 榴楗奶凍 $ 28, 心太軟配雲呢嗱雪糕 $ 48 , 原味梳乎利 $ 35, 芒果黑白凉粉+西米+鮮芒果汁$ 38, 首先黎左奶凍, 果然有料到,原來用北海道牛乳造真係濃香好多, 甜度亦適中, d 奶味停留係口腔好耐都未散, so soft and creamy 好回味! 榴槤肉新鮮味濃, 唔知係咪用 D 24 呢? 到雪花冰, 好 fresh , 食得出用鮮果汁造, 無加色素同香精, 再黎芒果黑白凉粉+西米+鮮芒果汁, 芒果香甜, 西米夠圓又彈牙, 黑凉粉夠爽脆, 好少亦好耐無食過呢種質感, 因為坊間多數用罐頭或者好林果種, 出色! 至於白凉粉, 爽口有椰汁味, 唔錯喎! 心太軟同梳乎利終於到喇, 可能即叫即焗關係, 等左 20 mins, 心太軟一督, d 熔岩留出黎喇, 好濃厚朱古力味, d sauce 幾滑口, 有酒店水準! 梳乎利就普通 d , 乾身同粗左 d , 但有蛋味. 我地發現個胃好似仲有10 % 空位, 再叫多個楊枝甘露 $ 28 , 賣相唔錯, 似係即造, 味道無令我地失望! 柚子肉酸酸甜甜無澀味, 芒果野夠味, good! 啋 ! 今次真係食七咁食, 七樣野, 不過平心而論, 呢間野確係有賣點, 味道亦相當不俗! 只嫌欠缺中式糖水, 問過店長, 佢話而家仲係試業期間, 遲 d 一定會有, 因為原來師父有好多撚手野未出, 好期望快 d 推出, 因為我一定會繼續幫襯呢間五代同糖!