影片
更多
2016-09-22
537 瀏覽
見電視成日賣廣告，就黎試吓吧~~想講下，大埔分店有個服務員MAGGIE LEE(希望冇記錯)，每次都好有禮貎又有交帶，做事又細心，好值得表揚~叫左個二人餐:加$10轉龍蝦湯，好味，仲有好多龍蝦仔肉:我每次都會叫既草莓夢幻，好香甜，有少少果蓉又冇藥水味:頭盤-酥皮芝士焗田螺，嘩，好大碟(大過我塊面)，仲好好好好食，有芝士有薯蓉仲有埋酥皮焗:葡汁雞皇焗飯，個汁調得好好食，仲有啲椰汁味，可惜雞肉好少，只係得幾塊:主角-三文誘惑，賣相好吸引，但好失望。個餅底厚度介乎薄批同厚批之間，但一啲都唔脆，仲好硬，有啲煙靭，切都好吃力，口感好差。以前中國PIZZA HUT有個WASABI三文魚批，真係好好食架，少少WASABI味帶出煙三文魚既美味，三文魚又夠厚，唔知邉個諗出呢個配搭，正正正，係我去中國PIZZA HUT必食之選，轉左MENU之後就冇左，好可惜!用埋兩張$20 COUPON同會員九折，都幾抵食既，兩個人捧住個肚走。
想講下，大埔分店有個服務員MAGGIE LEE(希望冇記錯)，每次都好有禮貎又有交帶，做事又細心，好值得表揚~
叫左個二人餐:
加$10轉龍蝦湯，好味，仲有好多龍蝦仔肉:
我每次都會叫既草莓夢幻，好香甜，有少少果蓉又冇藥水味:
頭盤-酥皮芝士焗田螺，嘩，好大碟(大過我塊面)，仲好好好好食，有芝士有薯蓉仲有埋酥皮焗:
葡汁雞皇焗飯，個汁調得好好食，仲有啲椰汁味，可惜雞肉好少，只係得幾塊:
主角-三文誘惑，賣相好吸引，但好失望。個餅底厚度介乎薄批同厚批之間，但一啲都唔脆，仲好硬，有啲煙靭，切都好吃力，口感好差。以前中國PIZZA HUT有個WASABI三文魚批，真係好好食架，少少WASABI味帶出煙三文魚既美味，三文魚又夠厚，唔知邉個諗出呢個配搭，正正正，係我去中國PIZZA HUT必食之選，轉左MENU之後就冇左，好可惜!
用埋兩張$20 COUPON同會員九折，都幾抵食既，兩個人捧住個肚走。
張貼
