牛一 (利港商場) (已搬遷) 新店位置

收到宣傳單張，知道香港仔開左間日式火鍋店，仲新張期內有折，就當然要試下啦！可能大家都貪新鮮，8:00去到都幾多人等位，等到8:30先有位入座。環境幾好，坐得舒服，店員既服務和態度都好好，攞野食既地方又好闊落，食物放得又整齊，仲有標籤寫清楚係咩食物，第一個印象唔錯！我地選擇左豚肉和美國牛加配料放題，每位$158，長者就$108，有宣傳單張優惠券就有85折，任叫任食90分鐘，ok啦！店員好醒，見我地坐低，就好快手幫我地order左幾份豚肉同牛肉，預先選好既鴛鴦湯底亦都好快送上。另外，打邊爐配料就自己出去鍾意攞幾多就幾多，汽水、唔同既飲品同軟雪糕都係任食！整體黎講，食物既質素唔錯，亦都算新鮮，打邊爐配料既選擇多，飲品又任飲，與快餐店既一人一鍋相比，呢餐算得上超值！睇黎，香港仔又多左個好選擇啦！👍