Beirut (已結業)

Keep住都仲要嚟中環上堂，繼續可以發掘呢邊嘅嘢食，喺斜路見到呢間地中海菜，好似幾有氣氛咁。好，坐低睇吓有咩好食先。羽衣甘藍蘋果沙律，沙律個醬好特別，唔係平時嘅千島醬或者醋，似麻醬但又有辣味，而且都好大碗，仲有紅菜頭，正！Mediterranean dip, Hummus係鷹嘴豆醬，用麵包點醬食，醬個質地似花生醬，食落好重豆味，呢個菜好特色，我幾中意。海鮮蕃茄紅醬長通粉，個長通粉係辣嘅，仲有好多海鮮又有墨魚仔，地中海特色辣。餐飲跟咗熱檸水，今日甜品係蜜瓜粒粒。