NINETYs (皇后大道東) (已結業)

早前聽朋友介紹喱間位於灣仔既西餐，亦都係instagram見過佢既廣告，於是就訂位黎試下。餐廳既裝修都幾靚，晚飯時段都9成坐滿，只係略嫌每張枱之間少少逼夾。餐牌只有英文，如果有埋中文會比較好，始終有d菜式都唔係100％肯定係咩黎。我地叫左Black Truffle Linguine（黑松露意粉）、Soft Shell Crab Burger (軟殼蟹漢堡）、Pork Belly with Celery Puree (類似豬腩肉）先上既係黑松露意粉，擺碟好特別，意粉放一邊，另一邊有黑松露碎砌成既1字。配料只有菇，但喱個意粉係非常令人滿意，唔會超重電油味（松露油），比好多出面食既黑松露意粉都好味！然後就係軟殼蟹Burger，喱個burger既包係超好食既，不過主角炸軟殼蟹就略嫌失色，可能太少肉，食唔係好到蟹。下次或者會試下佢主打既Lobster Burger!最後上既就係Pork Belly，係兩件豬腩肉配上一個汁，喱一個菜好少見。個Pork Belly係好味既，有唔同層次既口感，唔會好油，最好由上而下切，咁就會食到個口感層次。食食下見到隔離枱叫左Siu Wan Rice－傳說中既銷魂飯。