君蘭麵包廠

營業中

休息中

君蘭麵包廠位置好方便，就係尖沙咀地鐵站連接嘅K11 Art Mall入面。今次同同事們買麵點做下午茶，特意試左佢哋嘅班蘭系列，都好有驚喜，仲有好多特色款想推介下！芝麻海鹽可頌, 外脆內軟，芝麻同海鹽嘅搭配好有層次感，鹹鹹甜甜，食落無咁油膩，讚！班蘭皇菠蘿包。呢個菠蘿包表面係傳統菠蘿包酥脆包，但就係淺綠色嘅版本，咬下去又軟又香，班蘭嘅味道非常濃郁，甜而唔膩，本身我就鐘意食菠蘿包，加左斑蘭仲正！仲試埋班蘭芝士蛋糕，蛋糕鬆軟，班蘭味道濃，但又唔會過甜，配搭芝士嘅香，好夾，而且份量都幾大！班蘭咖央椰絲吐司，呢個吐司真係無得輸，椰絲嘅香味加上班蘭味道，咬落去超滿足，早餐或者下午茶都非常適合。金星星撻係呢間餅店嘅名物，外皮薄脆，蛋漿內餡零舍香滑，果仁嘅香味同撻皮絕配。竹炭金星星撻，黑色嘅外皮好特別，味道上同金星星撻類似，係外皮多咗一種獨特嘅味道，但唔係太濃郁，好味。奶茶星星撻，呢個撻真係有驚喜，見同事揀仲覺得伏，比我試少少後覺得好正，奶茶味道濃郁，撻皮同餡料完美結合。