Ocio (東港城) (已結業)

平時都好少去坑口，今次去咗探一個朋友所以喺嗰邊食晚餐，見到呢間ocio環境都幾光亮，就去咗食飯啦。今次就叫咗一個奧斯全日早餐，佢呢個all day breakfast好大兜啊，平時出邊嗰啲百幾蚊都只係少少，呢個好抵食。佢有一塊好大好厚嘅雞扒，非常之嫩滑，佢嘅份量真係好大。亦都有啲沙律， 蕃茄，巴馬火腿，茄汁豆。仲有薯條，呢啲薯條都炸得好金黃，薯條本身有調味料。而因為係晚市套餐所以送一個湯，個湯係蘑菇湯，入面嘅蘑菇粒好有口感。咁飲品就加咗$19飲特飲，叫咗抹茶牛奶，佢冇額外加糖，抹茶同牛奶嘅味道好夾。