影片
更多
2007-06-06
13 瀏覽
本人當晚正是跟上文KCKC同枱食飯,見他有所遺漏, 現作補充。個女侍應落單時, 簡直全程發夢, 點解? 大家聽下。我地問佢是日餐湯是什麼,佢話係Mushroom soup, OK, 結果KCKC就話決定要一客, 而我就Order了一客Seafood soup。點完其他主菜後, 個女侍應臨走前問我, 強調佢只係問我: 「先生, 要唔要先上湯、後上主菜?」我當時答好, 但奇在點解佢剩係問我, 我就指向友人KCKC話: 「這位先生都係。」。此時個女侍應先彷然大悟望向KCKC問: 「唔知先生你要嘅係吔湯呢?」我們仨當時眼都突埋, 吓! 唔係呀化, 只係Order total 5 道菜, 有幾復雜, 有幾難呀?! 好啦, 加番個湯啦。正當大家都嘆哂氣之際, 剛才個女侍應又過來, 今次居然向我問: 「唔好意思先生, 剛才你Order嗰個嘅係咪Seafood soup呀? 」…………..天呀, 佢發完夢未呀?!如果你聽埋以下故事, 你不得不配服佢地嘅人事部請人嘅標準係好上、下一致的。事原佢地嘅意粉好有正宗意大利餐廳特色, 只是Primo Piatto, 簡單講即是細碟和貴。但佢地好有心, 驚你怕貴,
個女侍應落單時, 簡直全程發夢, 點解? 大家聽下。我地問佢是日餐湯是什麼,佢話係Mushroom soup, OK, 結果KCKC就話決定要一客, 而我就Order了一客Seafood soup。點完其他主菜後, 個女侍應臨走前問我, 強調佢只係問我: 「先生, 要唔要先上湯、後上主菜?」我當時答好, 但奇在點解佢剩係問我, 我就指向友人KCKC話: 「這位先生都係。」。此時個女侍應先彷然大悟望向KCKC問: 「唔知先生你要嘅係吔湯呢?」我們仨當時眼都突埋, 吓! 唔係呀化, 只係Order total 5 道菜, 有幾復雜, 有幾難呀?! 好啦, 加番個湯啦。正當大家都嘆哂氣之際, 剛才個女侍應又過來, 今次居然向我問: 「唔好意思先生, 剛才你Order嗰個嘅係咪Seafood soup呀? 」…………..天呀, 佢發完夢未呀?!
如果你聽埋以下故事, 你不得不配服佢地嘅人事部請人嘅標準係好上、下一致的。
事原佢地嘅意粉好有正宗意大利餐廳特色, 只是Primo Piatto, 簡單講即是細碟和貴。但佢地好有心, 驚你怕貴, 但又貪心想試多幾款, 特別將所有意粉都分Full portion和Half portion, 後者價錢平D, 份量少D, 正常。當晚鄰坐有一家三口, 似是女兒帶父母一家吃晚飯。席間從觀察中得悉孝順女跟經理頗熟落, 全晚得到殷勤款待。我嘅主菜香草醬扁意粉終出場, 鄰坐老父跟小弟Order同一菜色, 但各自心中有一疑團, 就是面前這碟迷理型意粉, 究竟係Full定Half portion呢? (顺帶一提, order時女侍應係隻字不提有Full同Half portion之分, 佢可能見你係男仕, 幚你揀埋都未定。) 話轉回來, 孝順女當時即時向經理問過究竟。不問尤自可, 一問你就不得不配服這個經理係經過特別嘅口才及應對訓練, 先可以有這麼出色、一絕嘅答覆, 佢想左3秒, errrr…左兩下, 就答: 「Lee個份量係少左D, 肯定未夠Full portion, 我想七成啦, 七至八成左右, 今晚係煮得少左, 對唔住, 真係唔好意思, 如果有需要嘅話, 我叫廚房煮番多少少俾你, 好嗎?」結果鄰坐老父好似無要求加料, 但當時我望下我嗰碟跟老伯嗰碟有吔分別呢?! 對面另一友人即回應: 「吔唔係只有Half同Full portion之分而已? 吔仲有七成、八成架?! 你駛唔駛又叫佢煮番多少少俾你呀?」我都冇再理, 一口氣將成碟唔駛三下吞左落肚就算, 不過唔知係喺食道落, 定喺背脊骨落。
經理嘅妙問妙答又豈只於此呢, 娛樂性簡直可比美踎低噴飯。真係唔知佢係咪學左D政治問責制度, 以為有吔差遲, 零可自爆, 道歉, 提高透明度就可以過關, 佢居然無情情向鄰坐阿孝順女自爆, 解釋點解佢地出菜會咁慢。內答如下: 「係啦, 今晚撞正枱枱都叫意粉, 你知啦, 我地D意粉好唔同, 厚身D, 毎次客人落Order, 我地都係即叫即煮, 而我地又只得四個爐, 毎份意粉都要煮成十五分鐘, 係會耐D嫁!」…….. 天呀, 嚟你依間Sell食有機意粉店, 吔你唔係預左D客係食意粉嫁揹! 唔通去味X拉麺唔係食拉麺, 去酒樓飲茶唔係食點心, 去板X壽司唔係食壽司?!......... 天呀, 唔夠爐就買多幾個啦, 我嚟食野, 唔係嚟聽道理呀!
救命!
張貼