西門町台灣麵食 (已結業)

最近超愛台灣菜，咁係openrice見到e間台灣菜咁出名就專登過去試下啦，當時夜晚十點鐘左右，無人排隊，好好彩咁有兩個位。望一望個菜單，款式都叫做多，有飯，有麵，小食都好齊。我就叫左個我最愛嘅紅燒牛肉麵啦，而我朋友就叫左個豬軟骨飯，飲品我就叫左杯荔枝玉露。首先我個朋友碗飯就到左啦，佢試左一啖之後個樣就變左啦，話個豬軟骨唔夠林，唔夠汁同埋d飯好硬下wor!我帶佢黎食我都覺得唔好意思皮旦豆腐，e個就絕對無問題啦，豆腐加埋d肉鬆，味道都好夾，不過講真成$51價錢真係偏貴。飲品就無咩特別，只能夠當係餐飲嘅一環。大家都明白係糖醬再加茶，但係有d地方就好好飲，有d地方就唔好飲啦。跟住到我最愛啦，牛肉麵，牛肉麵賣相都唔錯，一開始就飲啖湯先，湯唔夠熱，無藥材味，好清，感覺上係似車仔麵嘅湯，跟住到麵啦，無估錯佢係用擔仔麵麵條，e種麵條完全唔彈牙，之前我食過果幾間都好好食，但係e間如果打正旗號係台灣菜就真係唔係好得啦，反而舊牛肉就都有驚喜，炆到好林，都幾好食，但係一碗麵有3樣野裏面有兩樣唔得我覺得都係唔合格，佢重要賣到差不多成60蚊一碗，我真係食程xx好過。d麵重係一舊舊湯好清，感覺上唔係煲左好耐。