影片
更多
2007-09-12
17 瀏覽
上星期六(8/9)約人響度食晏,當時大概12:45左右,應該係食飯時間,不過兩層加埋先得幾檯客,有d意外我因為想試呢度最出名既扒,所以明知食唔晒(浪費食物,罪過罪過)都叫左個鐵板扒餐,係雞扒配蘑菇汁。個餐仲包埋湯,飲品同雪榚,$4x到。先上羅宋湯連餐包,餐包都算大個,軟軟地+暖暖地,入口唔錯。個湯好足料,都係暖暖地,味道可以。跟住當然上主菜啦! 侍應比我兩條餐巾,用黎擋有可能彈出既汁,不過d餐巾真係舊左d,唔敢拎響手太耐。最後都冇點彈d汁出黎,而且都冇乜聲,不過隔離檯就好大聲。而家終於知點解人地話d扒好多,原來雞扒都有最少兩大件! 去左厚厚既雞皮都仲好大件,所以正常人真係好難食得晒。我唔食開扒,唔知靚扒係點,只係知呢份扒一般入味,淋淋地,大家自行判斷啦。我要求唔高,10分都會比7.5分。d蘑菇汁內有幾多蘑菇,另一邊有薯條,不過d薯條已經浸得過耐,又淋又多油,食唔落...份扒咁大,諗住食下抖下,點知有一次比個侍應一個唔該收左...我未反應得切,個侍應都冇點理我既回應,真係激死我呀!餐飲一般貨色,冇乜特別好講;個朱古力雪榚細細個,黎既時候都溶溶地,到我傾一陣再食既時候都溶得七七八八。環境:
我因為想試呢度最出名既扒,所以明知食唔晒(浪費食物,罪過罪過)都叫左個鐵板扒餐,係雞扒配蘑菇汁。個餐仲包埋湯,飲品同雪榚,$4x到。
先上羅宋湯連餐包,餐包都算大個,軟軟地+暖暖地,入口唔錯。個湯好足料,都係暖暖地,味道可以。
跟住當然上主菜啦! 侍應比我兩條餐巾,用黎擋有可能彈出既汁,不過d餐巾真係舊左d,唔敢拎響手太耐。最後都冇點彈d汁出黎,而且都冇乜聲,不過隔離檯就好大聲。
而家終於知點解人地話d扒好多,原來雞扒都有最少兩大件! 去左厚厚既雞皮都仲好大件,所以正常人真係好難食得晒。我唔食開扒,唔知靚扒係點,只係知呢份扒一般入味,淋淋地,大家自行判斷啦。我要求唔高,10分都會比7.5分。
d蘑菇汁內有幾多蘑菇,另一邊有薯條,不過d薯條已經浸得過耐,又淋又多油,食唔落...
份扒咁大,諗住食下抖下,點知有一次比個侍應一個唔該收左...我未反應得切,個侍應都冇點理我既回應,真係激死我呀!
餐飲一般貨色,冇乜特別好講;個朱古力雪榚細細個,黎既時候都溶溶地,到我傾一陣再食既時候都溶得七七八八。
環境: 一般舊式西餐廳格局,暗暗地,座位大細適中,不過某d職員講野仲大聲過客人
服務:一般啦,我唔期望咁多,只係之前提到"侍應一個唔該收左我d野食"有d唔滿意
抵食:呢個價錢呢個份量,實抵食既
乾淨:因為環境暗暗地,所以唔係好知,不過冇見到任何蛇蟲鼠蟻
張貼