翔壽司 (已結業)

見到勁多好評所以同友人一齊黎試食下，環境都乾淨俐落，細細間但係都幾貼心，枱嘅下面可以掛袋，後面又有衣架可以掛起外套。我同朋友叫既野都一樣，一人一個極上壽司(有10件)。不過想講下件件壽司都好易散開，一沾完豉油拎起想擺落口件壽司啲飯已經跌左3分1係碟到，件件都係咁。極上壽司 6/10比較值得讚揚既係海膽壽司左手邊個2件幾好食，其他真係不過不失，如果以呢個價錢黎講叫做CP值高但唔係啲好評所講嘅好食。單單以海膽壽司黎講，色澤睇落係唔錯，食落冇咩腥味不過相對亦冇任何鮮味，正常食海膽壽司會有海膽味但呢個完全冇任何味，只有食到豉油味😅，所以唔好抱住太大期望入嚟食。