茶木‧台式休閒餐廳 (已結業)

茶木係銅鑼灣食過2次，印象中都唔錯，香港仔呢間開左一排都未黎過，既然唔洗排就黎試下，入面面積原來相當大，座位也很多。點了香辣牛肉麵，炸雞排肉燥飯再加個石板街朱古力蜜糖磚塊，點餐時已問定個雪糕可否遲D上，等我地食完正餐先食甜品，否則我遲D先點，待應話冇問題可以遲D上。。。。。點知三様野同一時間黎既然係咁，唯有食左個雪糕先，石板街朱古力蜜糖磚塊，小朋友一定喜歡，影相扼like也很適合。香辣牛肉麵係朋友點既，賣相豐富，根據朋友既口供：不過不失；問佢好唔好食，佢話麻麻地喎而我既炸雞排肉燥飯也是平平無奇，肉燥既味道對我黎講係有D怪，食到一半就冇再食鷄排外表比較乾身，入面既鷄肉好簿。。。。外表脆漿比佢還厚，食落冇口感仲有呢度價錢唔係平，6，70蚊個麵及飯再加一，好食都冇所謂，但味道又唔ok，服務態度又麻麻，相信我唔會再黎。