更多
2020-07-07
198 瀏覽
兩條友食brunch。無訂枱唯有坐外面patio。張檯係最近兩台大風扇,可惜當日天氣真係好熱,部機吹出嚟嘅風是暖的......anyway, 唔轉場喇睇menu......佢哋嘅食物有好多不同國家風格,本人對無主打菜系嘅餐廳係有d驚伏。於是很穩陣地嗌lunch menu上嘅炸魚漢堡配薯條,跟鴨胸沙律,凍latte。食物比想像中好!尤其薯條,調味很對胃口,唔係黃白色成口粉嗰d~ 個魚堡幾大個,塊魚就OK啦,不過個牛油麵包很好,加埋d菜呀千島汁,整體味道也不錯。杯凍latte不過不失啦。朋友散嗌咗個海膽意粉。碟很大麵偏小,上面有隻溫泉蛋。男士略嫌唔夠食,不斷偷薯條。食完所有嘢,大概2pm,其實想hea耐d,但真係好熱,見店內有吉枱諗住轉坐入面,點知佢哋話full booking到4點.....即刻埋單走人 。想坐得舒服記得訂枱啊。
張貼