KABOOM

訂咗廿四號八點兩位，比咗六百蚊訂。八點去到樓下大排長龍，等到八點三先去到電梯大堂，個講英文嘅職員叫樓下廿幾個都係訂咗八點嘅人喺樓下等，話翻枱要等上一轉D人走，15分鐘左右會帶我哋上去。結果佢消失咗，留下所有訂咗八點嘅客人喺樓下等到九點鬆d, 忍唔住全部上去準備起哄。上到去又係兩個英語小姐receptionist，好似機械人咁不斷重覆同一堆說話，叫我地等一等會盡快安排。我樓下排隊時已經算前，但不幸變咗最後入座。個receptionist其間廣播式四次同一翻癈話，最終九點八先俾我上面rooftop枱我，足足比人罸企企咗100分鐘🤬🤬🤬上到去，竟然比我我見到好多空位，估計係留比十點booking 嘅客，咁點解唔早啲安排我地上去至少坐陣先。湯同前菜大概廿分鐘先出，但主菜坐到十點九仲未到，大佬我book 8 點㗎，從來冇人過嚟正式道歉！服務唔計，樓上冇暖爐，食物慢之餘仲要係凍。補充，廁所得一個男女共用，好污糟。總結來講係我人生之中平安夜最差嘅一餐，估計亦係佢呢一世最差嘅一次體驗，勸大家唔好去比佢啲相呃咗。