神戶屋日韓放題

營業中

休息中

餓左成日，放工前已經決定今晩要食番餐勁既，book好左神戶屋日韓放題。七點鐘入到去，晚飯時間好多人，好彩有訂位，唔洗等。坐既位置夠舒服既，唔會覺得迫。只係起身去拎野飲去洗手間既時候，條走廊比較迫，人來人往。食食下野，有人生日，全場播起生日歌，生日果班人張枱上面既生日蛋糕點住滴滴金，好靚，神戶屋幾識為生日既客搞氣氛，加分。原來訂位係有野送。有三樣野揀：產地直送海膽刺身，空運直送生蠔，特選雪糕。以上三揀一，我同同事就揀左海膽同生蠔。以為放題任食，野食既質素都係水平中等，點知份海膽刺身同隻生蠔黎到之後，完全改觀。唔怪得每位先至送一份，原來係超好食！想要多份都冇，下次黎既時候一定要book位，拎呢個訂座優惠。刺身盤黎到，帶子好好食，勁大粒。成盤刺身，我淨係比帶子吸引左，唔洗點豉油，就咁食就已經好甜好好味。另外，火炙壽司都係值得一提既！燒得好好味，有沙律醬燒同岩鹽燒，唔食生野既朋友都一定要一試。話明係日韓放題，日本野就擺到成枱都係，韓國野可以揀兩種火鍋既，芝士部隊鍋或者牛肉火鍋。我地就整左個芝士部隊鍋，室内打邊爐。個鍋細細個，用細石油氣爐，唔會佔枱上面太多位，部隊鍋入面既年糕好好食。