NINETYs (星光行) (已結業)

行開誠品書店，見到有呢間睇落好高級既，所以就去試試。入到去，店員安排左一個可以睇到海景既位置，chill~平日既夜晚，餐廳人流唔算好多，就因為甘樣，呢一餐飯食得好寧靜，傾下睇下海景甘去品嘗美食。野食價錢中等，係呢個位置黎講，可以接受。Spicy crab meat pasta : 蟹肉份量都幾多，意粉屬於比較粗身，辣味唔重，同蟹肉混合埋一齊食，口感好豐富，意粉都煮得恰當，都唔錯。Crab & burrata cheese pizza : pizza 底係薄脆，滿滿既芝士包住啲蟹肉，用料好豐富，食完一啖又想食一啖。意大利橙汁 ： 橙汁係一樽甘上枱，比我地自己倒，睇住個海景甘用紅酒杯飲橙汁，真係好寫意。另外值得一提嘅係，餐廳真係好有心思，喺水入面加咗備長炭。可惜今日去到波士頓龍蝦意粉售罄，下次去一定要試一試另外呢間餐廳仲有一啲甜品，例如係曲奇，睇落去都好吸引。呢間餐廳可能唔係開係太顯眼地方，所以佢既優點有少少埋沒左，有興趣食呢啲野既人，可以去試。