CHiLL-i (已結業)

觀塘多嘢食係人都知，今日喺駱駝漆買完野2:00就去搵嘢食， 見到呢間餐廳嘅Menu幾吸引同入面幾多捧場客就試吓佢。韓式辣醬芝士菠菜燴飯伴脆炸美國吉列豬扒吉列豬扒炸得啱啱好，炸粉薄薄一層，而豬扒肉味香，油脂分布平均，咬落去夠juicy。辣醬芝士燴飯，辣辣地，燴飯其實好難煮，要控制得好好，佢燴飯軟硬度啱啱好，值得一讚。炸唐楊軟殼蟹配蟹醬扁意粉呢度煮食份量唔細， 普通男仔都夠食，意粉上邊有大大隻軟殼蟹，打卡影相一流。而個蟹醬扁意粉好有驚喜，味道好有蟹既鮮味，味道豐富，意粉亦軟硬度適中，推介大家一試。配餐湯、兩款小食及甜品佢加$30就可以升級套餐，餐湯就正正常常冇咩特別，小食方面有炸蝦同蛋沙律，炸蝦不錯，而蛋沙律又有啲驚喜喎，冇諗過套餐嘅小食都咁有心機整，蛋沙律嘅材料同比例要好先至好食，佢雞蛋份量落得多，味道唔會比mayo蓋過，味道滿滿蛋味。甜品整得好精緻，係柚子芝士蛋糕。朱古力咖啡你杯飲品偏重咖啡味道多過朱古力，每一啖都好濃郁，鍾意凍咖啡嘅朋友，可以試下呢。蜂蜜柚子梳打蜂蜜柚子梳打味道清新，柚子味濃，飲品入邊都有好多粒柚子，消暑又消滯。