一入餐廳就有一種熟悉既感覺,原因係佢地用既枱櫈都係香港中小學常見。
即係木製桌面下面有個鐵櫃桶個種,員工locker都係以前學校啲locker,連個menu都用單行紙整到作業簿咁,好有特色。
Lunch食完炸雞都仲好飽,所以淨係叫左個刨冰,甜一甜,涼一涼。
一共有4款刨冰,全部都好吸引,最後揀左芒果小丸子刨冰🥭
雖然同meun張相既擺盤有啲唔同,不過係刨冰上面多左朵芒果砌既花,整得幾靚。
淋係刨冰上面既芒果味糖漿好香芒果味,酸酸甜甜。刨冰本身軟綿綿,食落涼浸浸,刨冰既底層有啲寒天波波,令到成個刨冰有更多唔同層次既口感😋兩個人食既話,一份岩岩好👍
睇其他客人都有叫主食,有意粉有飯,睇落都好吸引,奈何真係唔算餓,只好留返下次再食😁
芒果小丸子刨冰 $128
