本身唔食得太辣(譚仔10小既程度),所以叫左碗小麻辣米線試下水溫,餸揀左豬頸肉+香茅雞扒,餐飲係凍檸茶。原先仲以為叫兩樣餸會唔夠食,點知送到黎係堆到成碗都係!淨係視覺都有夠衝擊。
米線硬度適中,小麻辣湯對我黎講都唔算辣,下次可以辣一級。豬頸肉同香芽雞扒份量多,性價比超高。切得咁細既豬頸肉仲以為會無乜咬口,但其實香口得黎仲可以沾多d湯汁,都幾好。香芽雞扒油香四溢,都好惹味,杯凍檸茶都少有地好大杯!!
整體黎講食左一碗肉落肚,非常滿足!而且咁大碗Total都只係$73,好抵食!不過我係中午飯點去食,所以都幾多人,要搭枱,令我依個I人唔係好敢係咁影Orz
P.S. 只收現金!
豬頸肉小麻辣米線 $56
+香茅雞扒 $14
凍檸茶 $3
