MOO MOO

營業中

休息中

作為burger控嘅另一半，陣唔中就要物色burger 俾佢試吓。今次去咗呢間響觀塘鴻圖中心嘅小店，除室內亦有戶外座位，感覺都幾舒服。見到餐牌選擇好多，揀咗兩個漢堡，薯條同埋沙律試吓。🍔🍔經典之堡 - 有手打美國殼飼牛肉、芝士、生菜同埋蕃茄，個包烘得好香，醬汁係Moo Moo秘製，又幾夾幾好味。🍍🍍熱帶之堡 - 呢一個同經典之堡有少少分別，加多左菠蘿同埋煙肉，醬汁用咗千島醬。多咗菠蘿同煙肉，味道更有層次感。Burger控表示滿意，質素好好。🍟🍟薯條係即叫即炸，上餐熱辣辣，炸得好乾身。雞肉沙律份量算好多，味道正常發揮，食咗漢堡同薯條，加份沙律，感覺健康啲。