今次係觀塘搵到一間打卡一流既和式茶室。
小編同朋友兩個人 嗌左個2人Set
可以選擇兩款茶 同埋是日精選小食
小編選擇左 一款係清新
另一款係偏濃既茶葉
咁樣就可以試兩種茶葉既風味😝
🔻福鼎白牡丹
小編比較中意飲清新啲既茶葉
老闆娘就推薦左呢一款白茶
茶葉就就係比較嫩啲 沖出黎茶湯顏色淺啲 係淡黃色
味道好清新清爽 有淡淡既花香
口感滑爽柔和 比較易入口
比起其他茶焙火味會無咁重 唔會有陣甘澀味
一份茶葉可以沖到好多次
每一泡都會有唔同既味道 飲飲下會飲到清甜既味
🔻燕子峰肉桂
個名好可愛 原來係武夷山有個地方叫燕子峰
果到係有好多岩石 所以果到既茶會有岩骨花香
呢一款會比福鼎白牡丹茶味會濃啲
茶葉就係深色小小 就咁聞都有好強既茶香
沖出黎茶湯既顏色都比較深色 偏深啡色
焙火味會強小小 同埋小小甘澀味
開頭第一泡 即係醒茶 都已經感受到香濃既茶味
比起平時飲開嘅烏龍茶的確係有啲唔同
可能就係所謂既岩骨花香
同福鼎白牡丹相比 沖泡時間唔洗咁耐
浸太耐既話茶就會有啲過濃
一樣都係每一泡會有唔同既味道
*都係多得老闆娘咁熱心解釋，原來每種茶都有唔同既沖泡時間 ，時間掌握得好 就自己品嚐到最完美既茶😝
🔻小食方面有牛油曲奇、巴斯克燒焦芝士蛋糕
牛油曲奇好鬆化 入口即溶
而巴斯克燒焦芝士蛋糕都好滑好好味
有陣陣vanila同檸檬香
面頭果層焦香既味岩岩好 唔會太焦
雖然今次品茗係飲中式茶
但原來中西crossover
一邊飲茶一邊食西式甜品都好夾
❗️「特別評分」❗️
🔸食物：
茶葉種類多，有綠茶/白菜/烏龍茶，熱泡/冷泡茶，可以根據番當日心情或者個口味選擇想飲既茶。
🔸環境：
和式裝修簡約得黎又好文青，提供左一個舒適既環境品茶。係呢個咁舒服既環境下，睇下書嘆下茶，可以消磨到成個下就
🔸服務：
對蓋碗茶既認識唔係好深，老闆娘好友善咁係旁邊教我地點沖茶，同埋點樣品嘗各種茶葉既精髓，講左好多有關茶葉既知識比我地知。
🔸交通：
觀塘港鐵站A出口行5分鐘就到 好就腳
