登堂 (已結業)

公司聚會話多唔多話少唔少，七八個人要搵一個又舒適有大嘅地方真係有啲困難。但今次介紹呢間餐廳係可以滿足曬你所有嘅要求「登堂」呢間西餐廳地方闊落之餘，驟眼睇場地起碼超過一萬呎。裝修簡約奢華時尚，仲有好多不同嘅菜式畀你揀，主打食意大利菜。唔講咁多，先post下啲菜式先，有risotto，有豬手，有法式蝸牛，有pizza，有意粉，仲有生蠔每一碟菜式都好精緻色香味俱全，多人食就最好，可以點多幾樣唔同嘅款式，雞翼同生蠔最搶手。講起生蠔就非常之正本人最鍾意食生蠔，每一粒生蠔到肉質鮮美，真係忍唔住點多幾隻你食。最後原來有個同事生日，即場掂咗個甜品，呢個綠茶朱古力流心蛋糕，非常之好味，賣相又好睇，廚師仲好細心幫我哋撩咗幾隻字。估唔到喺觀塘可以搵到一間咁高質素嘅西餐廳，大家想一齊聚餐，唔會太偏僻嘅地方一間值得推介