境 (已結業)

「境」係無意中發現的日式Fusion菜餐廳，最大特色係竹炭麵包(下面有介紹)，可以媲美Outback黑糖麵包，兩間嘅餐前麵包一樣好出色👍🏻☻竹炭麵包 (free)呢個係餐前麵包，超級好食，店員介紹竹炭麵包係用橄欖油，蒜蓉，仲有幾種材料做，食落勁鬆軟，又有少少香料味道，我哋食完一個，即刻又叫多一個黎食!(仲有得獨立買走咖，每個$38)☆ Pan-Roasted Miyazaki Pork Fillet $218店員推介烤焗宮崎豬，肉質粉白色，好鮮嫩，每啖咬口都有微微肉汁滲出，加上擺盤好靚，連伴碟嘅薯蓉都好滑身，推介👍🏻☆ Fried Rice $158日式炒飯材料好豐富，有細細粒帶子仔，有乾蝦碎，又有菜粒，但味道未到好出色，同埋炒飯少少偏油，炒得唔夠乾身，可以改善!竹炭麵包同宮崎豬都係推介，加上店員服務優質，主動介紹食物同問我地食物質素如何。不過餐牌只係得文字，要上openrice睇菜式圖片，如果餐牌有埋圖片就更好!