雖然話係日系Cafe，場內擺設以寵物小精靈的比卡超為主，但係有一樣野一定要提既就係呢度既Board Game係真係超多款！目測起碼有四五個大櫃擺放住唔同種類既Board Game!重要唔單止係熱門，就連冷門既都好多，唔留係度同FD子玩返4-5個鐘真係唔對得住自己！
食物方面，我比較鐘情於卡邦尼意粉，食完不但唔會好膩，仲會令你想食多幾啖，芝士汁好濃郁，令意粉好入味，正！
白酒蜆肉意粉亦都唔輸洩，食落又香又鮮味，白酒將蜆肉的鮮味帶出黎，最緊要蜆肉冇沙！抵讚！
食飽飽當然係玩個夠啦，除左上面提到既桌遊之外，仲有好多game玩既switch!一班人一齊玩overcooked同埋Mario Cart真係好正!下次再將多D朋友仔黎玩先！
