影片
更多
2023-07-17
46 瀏覽
昨天去咗觀塘試左呢間喺棟新大廈的餐廳. 呢間deer kitchen走簡約田園風，以綠色為主調，配以鹿做主題佈置，環境舒適幾啱忙碌打工仔午飯抖抖氣忘卻煩憂. 我哋早到人哋剛開鋪，霸左個特式座位，食食下近一點左右全埸爆滿，故事教訓記得book位，因為見walk in 嘅真係冇位要食檸檬. 講返正題，Lunch set 抵食算affordable, 西餐百幾蚊有涷飲+ 沙律/ 餐湯+ 主菜絕對係fair deal. 我哋兩個人一人要一樣前菜share食，沙律清爽新鮮，是日餐湯係甘筍忌廉湯味道濃厚. #香煎時令魚柳大蝦配明太子忌廉汁個龍利柳魚煎得香脆但肉質鮮嫩亦不乾身，個蝦好爽身結實點埋個醬汁剛剛好，配菜除咗有番茄露筍呢啲常見疏菜，比較驚喜有紫薯蓉甜甜地健康又開胃，份量亦多夠飽肚. #牛油果海蝦意大利飯賣相平實樸素不過原來禾稈冚珍珠，內藏五六隻海蝦，非常鮮甜彈牙，飯粒粒分明軟硬道適中醬汁有牛油果香.順帶一提，見有$10 蚊換購一隻蠔（唔知可以換幾多呢）. 不過今次冇試，可以搵日tea/dinner 試試佢，見個tea set 相都好靚可以打卡. Btw見佢有個membership 年費都幾筍
講返正題，Lunch set 抵食算affordable, 西餐百幾蚊有涷飲+ 沙律/ 餐湯+ 主菜絕對係fair deal. 我哋兩個人一人要一樣前菜share食，沙律清爽新鮮，是日餐湯係甘筍忌廉湯味道濃厚.
#香煎時令魚柳大蝦配明太子忌廉汁
個龍利柳魚煎得香脆但肉質鮮嫩亦不乾身，個蝦好爽身結實點埋個醬汁剛剛好，配菜除咗有番茄露筍呢啲常見疏菜，比較驚喜有紫薯蓉甜甜地健康又開胃，份量亦多夠飽肚.
#牛油果海蝦意大利飯
賣相平實樸素不過原來禾稈冚珍珠，內藏五六隻海蝦，非常鮮甜彈牙，飯粒粒分明軟硬道適中醬汁有牛油果香.
順帶一提，見有$10 蚊換購一隻蠔（唔知可以換幾多呢）. 不過今次冇試，可以搵日tea/dinner 試試佢，見個tea set 相都好靚可以打卡. Btw見佢有個membership 年費都幾筍deal( 俾$500 送$900 另有全年九折）, 都有啲興趣given 多左去觀塘蒲頭，可惜店員忙住應付lunch peak hour嘅人潮未方便搞，大家都趕返工，咁唯下次先啦. 同埋據說每個月週一至週四都有不同優惠，記得問下店員喇！
1 瀏覽
0 讚好
0 留言
3 瀏覽
0 讚好
0 留言
1 瀏覽
0 讚好
0 留言
張貼
