Bischofia by Mood

營業中

休息中

呢間cafe非常特別，佢嘅菜單係由健身教練同營養師精心設計，所以會比其他餐廳更加健康；餐廳仲要好貼心，菜單會列明哂每個菜式嘅營養標籤，岩哂啲想食美食但又要keep fit嘅朋友黎食🤣🍛明太子汁烤三文魚扒配古斯米第一次食古斯米，古斯米雖然有個米字，但佢唔係真正嘅米，係由粗麵粉製造，形狀同顏色好似細粒嘅米，而佢嘅味道比較清淡，要配埋明太子汁同三文魚扒先會有比較濃嘅味，佢嘅口感幾好有趣，乾爽柔軟；如果想食清淡啲嘅，可以點呢個菜式試下。🍝蟹肉櫻花蝦香辣蕃茄忌廉冬粉對比古斯米，呢個冬粉嘅味道濃味好多，鍾意食濃味嘅一定要試下呢個冬粉；之前已經食過呢間cafe，最令到人念念不忘嘅就係呢個冬粉，醬汁酸酸地又帶少少辣味，非常開胃，佢嘅質地比較濃稠，所以每一條冬粉都好掛汁，而蟹肉同櫻花蝦嘅份量都非常多，每一啖都可以食到佢地。☕️香濃朱古力呢杯熱朱古力有香濃嘅可可味，口感綿密細滑，飲完成身即刻暖哂。☕️肉桂燕麥冬爵奶茶呢杯飲品好適合冬天飲，肉桂味非常香濃，再配上燕麥奶茶，口感濃醇滑順，味道好豐富。