壹檸壹鮮果茶 (已結業)

天氣悶熱, 飲返杯冰凍茶飲解解渴！飲品款式選擇多, 分別有滿杯鮮果、輕乳茶、冰茶、手打檸檬茶、咖啡系列, 可以根據個人喜好選擇甜度同冰量, 推介招牌紅柚小清柑, 夏天飲特別爽！🥤紅柚小清柑見餐牌上寫呢款茶飲係Top 1️⃣所以即刻叫咗！裏面有好多紅柚果肉, 小青柑帶出酸味, 以茉莉花綠茶做茶底, 茶味清新！🥤檸力十足通天香以通天香為茶底, 茶味好濃, 香氣獨特, 加入現捶新鮮香水檸檬🍋, 微酸但冇苦澀味～ 呢個揀咗5分糖, 清新酸甜, 夏天飲啱晒！