影片
更多
2021-08-05
193 瀏覽
#肥doi遊觀塘駱駝漆除左11樓之外4樓都有好多好野食，呢間小店環境好九唔搭八，歐陸顏色牆身配kpop防疫隔板，但係主打唔同款式既雞，夠哂奇怪。除左雞仲有好多勁平既小食，好易會眼闊肚窄😂-《重慶口水雞配米線》$46米線係配雞湯底，米線上面有杞子、木耳同腐皮，湯底清甜，感覺都幾滋潤。口水雞唔會太辣，係重慶麻辣味，肉質都算嫩滑，雞皮幾爽口（連平時唔食雞皮既我都食左），整體既味道都比較濃郁，配返個雞湯米線岩岩好！.《黃酒藥膳雞配米線》$52超足料嘅湯底，不含味精！米線口感煙韌，配合埋蟲草花、杞子同紅棗片既藥膳食材，一啖湯一啖麵，食完又滋潤又唔會口渴。雞肉份量唔算多，肉質都尚算嫩滑，每一舊都滲透住陣陣既藥膳湯底既味道。.《鮮茄濃湯肥牛配米線》$46上枱果陣比個份量嚇親，滿到就黎瀉出黎咁，湯底似屋企煲既零味精蕃茄薯仔湯，唔太酸又唔太甜岩岩好。蕃茄同肥牛既份量都唔孤寒，味道都算正常，以一間主打食雞既鋪頭黎講算係咁。.《麻辣擔擔麵配米線/上海麵》$36仿間既擔擔麵多數係芝麻醬同花直味較重，但呢間食落尖椒既味道較為突出，類似譚仔尖椒皮蛋個汁，肉碎花生既份量好有誠意，食到最後都仲有勁多肉碎。配米線一流因
#肥doi遊觀塘
駱駝漆除左11樓之外4樓都有好多好野食，呢間小店環境好九唔搭八，歐陸顏色牆身配kpop防疫隔板，但係主打唔同款式既雞，夠哂奇怪。除左雞仲有好多勁平既小食，好易會眼闊肚窄😂
-
《重慶口水雞配米線》$46米線係配雞湯底，米線上面有杞子、木耳同腐皮，湯底清甜，感覺都幾滋潤。口水雞唔會太辣，係重慶麻辣味，肉質都算嫩滑，雞皮幾爽口（連平時唔食雞皮既我都食左），整體既味道都比較濃郁，配返個雞湯米線岩岩好！
.
《黃酒藥膳雞配米線》$52超足料嘅湯底，不含味精！米線口感煙韌，配合埋蟲草花、杞子同紅棗片既藥膳食材，一啖湯一啖麵，食完又滋潤又唔會口渴。雞肉份量唔算多，肉質都尚算嫩滑，每一舊都滲透住陣陣既藥膳湯底既味道。
.
《鮮茄濃湯肥牛配米線》$46上枱果陣比個份量嚇親，滿到就黎瀉出黎咁，湯底似屋企煲既零味精蕃茄薯仔湯，唔太酸又唔太甜岩岩好。蕃茄同肥牛既份量都唔孤寒，味道都算正常，以一間主打食雞既鋪頭黎講算係咁。
.
《麻辣擔擔麵配米線/上海麵》$36仿間既擔擔麵多數係芝麻醬同花直味較重，但呢間食落尖椒既味道較為突出，類似譚仔尖椒皮蛋個汁，肉碎花生既份量好有誠意，食到最後都仲有勁多肉碎。配米線一流因為比上海麵可以更加掛汁。
.
《好撚脆》$36名副其實，真係好撚脆！豆卜包住老闆手拍既蝦膠，再炸到好似臭豆腐咁鬆脆，結實彈牙！
.
《畢生難忙炸雞翼》$21同好撚脆一樣出面都係炸到酥脆，但炸衣唔算好厚，啲肉好易用牙咬開，重點係夠哂大隻！
.
《失傳已久的炸豬扒》$26呢個豬扒食完第一次就無再叫，雖然外面炸到好乾身爽脆，質地都好軟淋，但厚度始終差啲，雞翼比較好食啲！
.
《胡麻雞絲粉皮》$24 / 《麻辣雞絲粉皮》$26二揀一我會推薦食麻辣雞絲粉皮，因為胡麻真係就咁落麻醬，少左花生醬同芝麻醬既香味，唔似正宗麻醬雞絲粉皮。
-
👅味道：7.5/10
🍱賣相：8/10
🏠環境：8/10
⭐總評分：8/10
-
二撇雞 (觀塘)
📍觀塘開源道60號駱駝漆大廈三期4樓O室
-
#袋式飲食 #肥袋美食推介 #港式 #米線 #口水雞 #好撚脆
#hkfoodie #hkfood #hkeat #hkfoodgram #foodiegram #hkfoodblog
張貼
